Register  Login
..::  » Articles » > » Kyknet TV Series ::..

 
Kyknet TV Series on the Border War
Linda de Jager, a well know producer of TV programs eg Carte Blanche and others for Kyknet, National Geographic etc, has produced a very balanced 26 episode series pertaining to the Border War for Kyknet.
This series starts Sunday, 6 July 2008 at 20h30 on Kyknet.

Linda, interviewed a very wide spectrum from the top generals to the privates on both sides of the war. A preview of the series proved to be honest and to the point. A must see!

Attached, the heading and summaries of the episodes.

GRENSOORLOG


Episode 1: KOP AAN KOP

Ons spoor die eerste Swapokader op wat ooit die grens met `n wapen
oorgesteek het. `n Verhaal ontvou rondom die eerste botsing tussen
Suid-Afrikaanse magte en insypelaars in Noord-Namibië in 1966. Van
dié wat veertig jaar gelede aan beide kante geveg het, vertel. Ons
skets die agtergrond: Harold Wilson hou sy "Winds of Change"-
toespraak. Afrika raak onafhanklik – behalwe die suide. Swapo word
uit `n trekarbeid-beweging gebore.

Episode 2: TWEE WÊRELDE

Terwyl wit Suid-Afrika apartheid teen die agtergrond van die Koue
Oorlog steun en agtienjariges diensplig sonder vrae aanvaar, dra
Radio Freedom die boodskap van die vryheidstryd na jongmense in
Namibië. Ook hulle neem die wapen op, en gaan van die platteland van
Ovambo na sneeubedekte Moskou vir opleiding. `n Guerilla-oorlog
begin. Ons skets die twee wêrelde waaruit soldate in teenoorstaande
magte in die Grensoorlog kom.

Episode 3: SPESIALE MAGTE, SPESIALE TAKE

`n Onkonvensionele oorlog vereis `n onkonvensionele reaksie.
Teenoor die guerilla-aanslag, stig die SAW `n eiesoortige
teenvoeter. Ons skets `n portret van die elite soldate wat bekend
geword het as die "recces". Die stigter van hierdie eenhede, Jan
Breytenbach, en tien ander wat nooit oor hulle werk diep in
vyandelike gebied kon praat nie, vertel.

Episode 4: DIE ROOI GEVAAR

Swapo en die MPLA is ondersteun deur Moskou. Ons stel Russiese
soldate wat in Angola geveg het, aan die woord, en kyk terselfdertyd
na die oortuiging wat in die sewentigs en tagtigs in Suid-Afrika
gegeld het dat kommunisme ons aan alle kante bedreig. Fotoboekies
het Russe as skurke gehad. Die kerk het anti-kommunistiese
literatuur gepubliseer. "Rooi Gevaar" was `n huishoudelike term.
Aan die ander kant vertel `n familie in Moskou hoe hulle oupa hier
kom veg het in die Boere-oorlog.

Episode 5: MAGSPEL IN ANGOLA

Hoe beland `n man van die Kaapse vlakte in die Kubaanse weermag in
Angola? November 1975. Angola word onafhanklik. Burgeroorlog breek
uit. Amerika, die Sowjet-Unie, Kuba en Suid-Afrika raak betrokke –
veral vir lg twee die begin van `n uitgerekte stryd. Ons kry
perspektiewe van genls. Jannie Geldenhuys en Constand Viljoen,
Amerikaanse onderhandelaar Chester Crocker, vorige Russiese president
Michael Gorbachev, oud-min. Pik Botha en Swapo se Charles
Namoloh. `n Suid-Afrikaans-geleide taakmag beweeg 3 000 km deur suid-
Angola in 33 dae. Ons sien die bloedige gevegte by die dorpie Ebo
deur die oë van soldate en bevelvoerders wat daar was.

Episode 6: BRUG 14

`n Onskuldige term soos "skoonmaak" spook vandag nog by sekere
soldate. In hierdie episode bou ingenieurs `n brug onder hewige
vuur, en honderde sterf in die Afrikason.

Episode 7: `N GEWAAGDE REDDINGSPOGING

Die guerillabeweging FNLA kry bloedneus, en 26 Suid-Afrikaanse
soldate raak gestrand by Ambrizete, baie ver van Namibië se grens en
veiligheid. Die vloot tree toe tot die bosoorlog en gaan pik hulle
op duisende kilometer noord van Kaapstad.

Episode 8: '76: DIE BEGIN VAN DIE EINDE

`n Onverwagte onttrekking uit Angola, en die begin van weerstand aan
die tuisfront. Die CIA verloor die stryd in die Amerikaanse Kongres
en die geldkrane word toegedraai. In Suid-Afrika weier iemand vir
die eerste keer om diensplig te doen.

Episode 9: 32 BATALJON

Kontroversieel, gerespekteer, bewonder, gehaat … onder `n dekmantel
van geheimhouding bly die verhaal van 32 Bataljon met sy buffelteken
een van die uniekste in die geskiedenis van die oorlog.

Episode 10: DIE GOUE UUR

`n Lewendige bom word uit `n man se borskas gesny … die dokter
vertel. In `n oorlog is kontak met die vyand onafwendbaar. Dit
beteken gewondes. In 1979 word die SA Geneeskundige Dienste die
vierde been van die weermag.


Episode 11: CASSINGA


Een van die mees omstrede aanvalle in die 23 jaar van die
Grensoorlog. Ons hoor die verhaal van alle kante, uit die mond van
mense wat daar was.

Episode 12: ONS SAL LEWE, ONS SAL STERWE


`n Moeder verloor `n seun. Een van soveel moeders, een van soveel
seuns. Hy was `n parabat, wat die gesogte valskermvlerkies met diepe
trots verower het. Ons hoor die verhaal by sy ma, en by die soldaat
in wie se arms hy gesterf het.

Episode 13: `N SPOOR IN DIE SAND

Die veldvernuf van Swapokaders en Boesmansoldate word teenoor mekaar
gestel. In die aanhoudende soeke na nuwe antwoorde op die uitdagings
wat die oorlog in die bos aan die soldate stel, word honde ingespan
teen landmyne en gesofistikeerde militêre voertuie ontwikkel. Langs
die wetenskaplikes staan `n ander vermoë: die mense wat die veld lees
soos `n boek.

Episode 14: HAKKEJAG

`n Oud-Sowjet amptenaar skets die invloei van Russiese instrukteurs
en wapentuig vir Swapo en Fapla, wat saam met Kubaanse ondersteuning
hulle vermoëns verhoog. 32 Bataljon se Portugees-sprekende Angolese
lede vertel van die hardste geveg in die eenheid se geskiedenis:
Savate. En met die bewindsaanvaarding van pres. Ronald Reagan in
die VSA, kom "linkage" - onderhandelinge oor die onttrekking van die
Kubane – op die tafel.

Episode 15: SWAAR METAAL (PROTEA 1)

Aan weerskante van die skeidslyn word swaarder en beter wapens
ingevoer en ontwikkel. Suid-Afrika beplan die grootste konvensionele
aanslag ooit in die grensoorlog teen die gekombineerde magte van
Fapla, die Kubane en Swapo.

Episode 16: YSTERVUISTE (PROTEA 2)

Soldate wat daar was, vertel van die presiese beplanning, die
dapperheid van individue en die chaos wat oorlog is. Vroue by die
huis gee `n aanduiding van hoe groot die kloof tussen die huis en die
front geword het.

Episode 17: REBELLE, WEIERAARS EN VERRAAIERS

Een wit seun kies umKhonto we Sizwe bo diensplig, word opgelei in
Oos-Duitsland en kry `n bevel om `n bom te plant. `n Ander vertel
met bitterheid en selfverwyt hoe sy grensdiens hom voor onmoontlike
keuses gestel het.

Episode 18: O, EK VERLANG NA JOU

Sonja Herholdt, André Swartz, Karin Hougaard, Ollie Viljoen en
Anneline Kriel is onder die kunstenaars en bekendes wat die grens
besoek het om die manne te vermaak. Hulle vertel.

Episode 19: BROER TEEN BROER

In Ovamboland kom broer teen broer te staan: sommige kies om in die
SAW te dien, ander veg vir Swapo. Onder wit Suidwesters woed `n
politieke stryd, onder meer oor die oopstel van geriewe vir alle
rasse. Suid-Afrika hou sy "vyfde provinsie" aan `n kort leisel vas.

Episode 20: KOEVOET

Oud-Koevoetlede praat reguit oor betaling per kop vir elke "terroris"
wat hulle geskiet het, oor liggame oor die wiel van `n Casspir
vasgemaak, en oor hulle ysingwekkende effektiwiteit.

Episode 21: ÊRENS AAN DIE GRENS

In die vroeë tagtigs is gemiddeld 30 000 troepe "êrens aan die
grens", in `n reeks kampe diep in die bos, baie ver van die huis af.
Op Fort Doppies maak hulle `n leeu mak, Veenhala het Gabi die sebra,
en by Calueque is `n mak krokodil bekend as die plat hond.

Episode 22: OPERASIE KERSLIG

Kom saam op `n spesmagte operasie: 16 hoogs opgeleide operateurs gaan
in die bek van die vyand in om die olieraffinadery in Luanda-hawe op
te blaas. Hulle verloor een van hulle makkers in `n ontploffing,
maar die ander kom terug en vertel self die verhaal.

Episode 23: WAPENBROERS

Wat het gebeur toe Wynand du Toit by Cabinda gevang is? Hoekom het
Unita altyd sabotasie-aksies vir hulle toegeëien, as dit Suid-
Afrikaners was wat dit uitgevoer het? Hoekom het die Kubane eintlik
Angola toe gekom, en wie het die koste betaal? Ons ontrafel die vrae
rondom wie aan wie se kant was, en waarom.

Episode 24 : TWEE FRONTE

1985. Die townships brand. 35 000 troepe word ingestuur om die
polisie te ondersteun. Grootskaalse weerstand teen diensplig
ontstaan. Intussen loods Fapla `n aanslag in suidoos-Angola, wat
deur die SA Lugmag afgeslaan word.

Die druk bou op, binnelands en buitelands.

Episode 25: CUITO CUANAVALE

Wat presies het in 1987 en '88 in die gevegte rondom die dorpie Cuito
gebeur? Was daar `n oorwinnaar? Ons volg die gevegte week na week
en maand na maand – oorkoepelend, maar ook uit die intens persoonlike
oogpunt van twee soldate in die hitte van die stryd. Bloedige
gevegte woed. Ingewikkelde onderhandelinge word gevoer. Wynand du
Toit kom huis toe.

Episode 26: VUISVOOS

Kuba slaan `n laaste hou met `n aanval by Calueque in suidwes-
Angola. Intense onderhandelinge lei na `n vredesooreenkoms. Swapo
maak `n amper fatale fout en begin `n 9-dae oorlog … maar Namibië
word gebore.
 
 

Images from 'Grensoorlog' series, produced by Linda de Jager, reproduced with kind permission from MNET
Images from 'Grensoorlog' series, produced by Linda de Jager, reproduced with kind permission from MNET
Images from 'Grensoorlog' series, produced by Linda de Jager, reproduced with kind permission from MNET
Images from 'Grensoorlog' series, produced by Linda de Jager, reproduced with kind permission from MNET
Images from 'Grensoorlog' series, produced by Linda de Jager, reproduced with kind permission from MNET

GET YOUR SADF OUMAN STICKER HERE

@ 2007 War In Angola - Veridical Solutions